[Corse] Uchjata nantu à u Futuru

U di à

uchjata - , .JPG 697Ko ()uchjata

CUNFARENZI SCIINTÌFICHI IN LINGUA CORSA URGANIZATI DA U CULLITTIVU "PARLEMU CORSU !" « UCHJATA À NANTU À U FUTURU » BASTIA ANFITITATRU DI U LICEU GIOCANTE DE CASABIANCA 14/05/16

Infos

  • Amphithéâtre du Lycée Giocante de Casabianca

Sò sughjetta sciintìfichi è di règula si ni parla, in i rivisti spicializati, è frà altru i truvemu scritti in francesu o in inglesu. Tandu faremu quì a dimustrazioni chì a lingua corsa pò essa assuciata à a mudarnità è tuccà duminia inabituali par l’aienti. Pinsemu cù “Parlemu Corsu!” ch’edda hè d’una impurtenza maiori pà a màghjina di u corsu è chì ‘ssi cunfarenzi cunbtribuìscini à dà a prova chì a lingua corsa hè una lingua d’avvena è ch’edda pò, cù unu invistimentu di tutti, riacquistà una piazza cintrali in a sucità. Da nutà chì a Scola Dutturali di l’Univarsità di l’UFR Scienzi in Corti susteni l’iniziativa è chì ‘ssi cunfarenzi s’ani da rializà in l’anfitiatru di u Liceu Giocante de Casabianca, locu d’una alta simbòlica par no, parchì locu di a ghjuvantù è indu’ si trasmetti a cunniscenza ! I sughjetta trattati sò varii è cumplimintarii. Avarìani pussutu essa solu una scusa par prumova l’usu di u corsu è sarìa stata dighjà una bona. Ma, pinsemu ch’ùn ci voli mancu à pena à sottustimà a timàtica trattata, parchì faci l’accostu di i cambiamenta chì i nosci sucità ani da cunnoscia da quì à 10 o 40 anni. Sò cambiamenta maiori ancu par l’umanità stessa è ci tocca à primuràssini par circà d’anticipalli.