Auropa è Internaziunale

Sò parechji anni chì Bastia, aperta ch’ella hè nant’à l’Auropa, u Mediterraniu è l’internaziunale, participeghja à sfarenti prugetti di cuuperazione aurupea è internaziunale.

Da parechji anni, a Cità di Bastia hè assuciata à prugetti di cuuperazione in u quadru di u prugramma uperativu Italia - Francia Marittima.

A prugrammazione nova 2014-2020 permetterà à a Cità di pusiziunà si in unu o di più partenariati. E chjame per i prugetti sò state lanciate di lugliu di u 2015.

D’altronde, a municipalità, da u mese di ferraghju di u 2015, hà vulsutu invità in Bastia i partenarii di u spaziu di cuuperazione per un scontru nant’à i temi di a prugrammazione nova.

Hà permessu à a municipalità nova di scuntrà i so partenarii è, à tempu, di pudè accertà a so vulintà di seguità è di rinfurzà a cuuperazione trasfruntaliera.

In u quadru di u PO It-Fr Marittima 2007-2013, hà participatu a cità à parechji prugetti, frà i quali :

Prugettu PERLA : progetto per l'accessibilità, la fruibilità e la sicurezza della fascia costiera delle regioni transfrontaliere.

- Obbiettivu generale di u prugettu : u sviluppu di l’accessibbilità, di l’assestu è di a securità di i spazii custieri di i territorii trasfruntalieri

- Numaru di i partenarii : 5

- Bugettu tutale : 2 003 000 €

- Bugettu di Bastia : 251 500 €

- Somma di a suvvenzione : 188 625 € (75%)

- Risultati per Bastia :

> Pianu da fà ch’elli sianu accessibbili a rete di vie di cumunicazione è i spazii publichi di Bastia

> Studiu da sapè s’ella si puderia fà una via verde chì farebbe l’avvinta di a Citadella di Bastia

> Operazione sperimentale, à titulu di prova, nant’à una via stradale chì saria raprisentativa di l’inseme di e prublematiche ch’elle scontranu e persone andicapate (corsu Emile Sari).

 

Prugettu I-PERLA : Risorse aghjustate à u Prugettu PERLA «Investimenti per l’accessibilità, la fruibilità e la sicurezza della fascia costiera delle regioni transfrontaliere ».

Obbiettivu generale di u prugettu : I-PERLA hè statu cuncepitu da scioglie e difficultà chì riguardanu l’accessibbilità è a securità di e strisce custiere, rispettendu l’ambiente è, à tempu, da incuragisce u turisimu è u sviluppu ecunomicu.

Numaru di partenarii :

- Bugettu tutale : 2 480 000 €

- Bugettu di Bastia : 500 000 €

- Somma di a suvvenzione : 375 000 € (75%)

- Operazione : Ristrutturazione di u carrughju Napulione

 

Prugettu PORTI : Porti è Identità

Obbiettivu generale di u prugettu : prumove una strategia chì sia cumuna à e quattru regione trattendu si di a prublematica di l’integrazione Cità-Portu per un sviluppu à longu andà è cumpetitivu di i territorii trasfruntalieri in i so varii aspetti (ecunomicu, suciale è culturale). Da sbuccà ci, mette in opera azzione cuncrete è immateriale da fà li attrattivi di più rinfurzendu l’equilibriu in a zona di cuntatti Cità-Portu, a so identità, ristrutturendu i spazii è elaburendu una reta vera di cità purtuarie.

Numaru di partenarii : 24

Bugettu tutale : 5 388 583 € (scumpartuti in dui sottu prugetti)

Bugettu di Bastia : 555 000 €

Somma di a suvvenzione : 416 250 € (75%)

Operazione : Travagli in u Settore I Parte 1 Toga-Noguès - Via per i veiculi chì ùn sò muturizati.

 

Prugettu 3i+ : Piattaforma ITS per l’Infomubilità Intermudale Interregiunale

Obbiettivu generale di u prugettu : Sviluppu di una infrastruttura per a mubilità, da facilità i tramuti di e persone in una logica forte di integrazione è di intermudalità.

Numaru di partenarii : 8

Bugettu tutale : 6 000 000 € (scumpartuti in 4 sottu prugetti è 1 azzione sperimentale)

Bugettu di Bastia : 400 000 €

Somma di a suvvenzione : 300 000 € (75%)

Operazione : Prestazione per studià un sistema di infurmazione è di cumandu di a circulazione in a zona di u Gran Bastia.