A Casa Caraffa

Messu in linea u

Custruita in u 1585 da Francescu Caraffa, issu ultimu ingrandava una casuccia chì appartenia à un certu Petroni, da rimirà la vi demu appuntamentu à l’entre di l’anticu carrughju drì (Oghje 4, Canonicu Letteron)

In grembiu à u quartieru gesuitu, simu smaravigliati da issa casa patrizia di suchju tuscanu è ligure. S’ella hè edificata nant’à un’antra più vechja (Casa Petroni) ci vulerà dui seculi da dà li u so aspettu oghjincu (1680 à u 1825) vale à dì a casa è u so giardinu appesu.

Da mintuvà l’impegnu di Antone Battista Caraffa, po in u 1775 Ghjuvan’Battista de Caraffa chì diventerà merre di Bastia à a Rivoluzione à fà di a Casa unu di i lochi i più assignalati di a cità di Bastia.

Da a bibbiuteca à u decoru di bellissima fattura, sò tanti l’elementi (ogetti, libri, custumi, fotograffie) à testimunià di un tempu chì fù è à fà di a casa un puntellu di l’arte decurativa corsa.