A Festa di a San Ghjuvà in Bastia

Messu in linea u

Ogni 23 di ghjugnu, in pede à a citadella di Bastia hè accesu un « fucarè » chì face cumbasgià tradizione pagane è pietà cristiana.

A festa di a San Ghjuvà vene assuciata à una tradizione pagana ligata à u sulstiziu d’estate. 

A veghja di a San Ghjuvà, u 23 di ghjugnu sò tanti i bastiacci à assiste à u “fucarè” chì marcava tandu a prima surtita nutturna di l’estate è in certe cuntrate u primu bagnu chì averia alte virtù .

Secondu a tradizione, i criampuli cantavanu in gir’à u focu i versi seguenti :

Cumpare è cummà,
Per a fede di San Ghjuvà,
Cari eramu prima,
Ma più saremu avà,
Quandu no truveremu què,
Ci chjameremu tù è té 

Cantendu elli lampavanu un capellu inde u fucarellu.

Da qualchì annu sò e cunfraterne di Bastia chì cunducenu a prucessione chì avvinghje u vechju portu sinu à u locu presceltu.

U lindumane hè data una messa sulenne in a chjesa eponima, induve e ciccunate accumpagnanu i canti è e prucessione à l’onore di u santu.