Démocratie participative / Demucrazia participativa, Art et Culture / Arte è Cultura, Agenda Presse / Settimanale bastiacciu, Lingua corsa, Mairie / Merria, Social / Suciale, Vivre ensemble / Campà Inseme

À Libru Scioltu : Vultemu in Toga issu venneri u 9 di settembre à 5 ore di sera !

Messu in linea u

Opération Livres en boîtes à Toga - , .JPG 4.6Mo ()Livres en boîte: Back to Toga ce vendredi 09 septembre à 17h!

D'aprile scorsu, in lu quatru di l'operazione À Libru Scioltu, a Merria di Bastia, cù u so serviziu di a Demucrazia Participativa, anu inauguratu in Toga a prima scatula à libri di quartieru. Essendu stata dannighjata, hà da esse torna stallata issu venneri u 9 di settembre à 5 ore di sera, trà u stadiu di Toga è i cummerci di u chjassu di u Furcone.

Ramentemu chì À Libru Scioltu hè un prugettu d'utilità publica chì prupone un'alternativa à u frazu è u cunsumu smisuratu. I risultati pusitivi d'iss'azzione si sò visti in e cità duv'ella hè stata messa in ballu, vene à dì in Londra, Milanu, Bordeaux, Parigi, Liò, Ecchisi, Marseglia è ancu in altrò. Isse scatule à libri cuntribuiscenu à u sviluppu di a cultura per tutti è mantenenu u liame suciale.  U scopu di l'operazione hè di mette in risaltu l'inghjochi prisenti in cor' di u spaziu publicu è chì incuragiscenu a messa in opera di e strategie pulitiche à prò d'una demucrazia participativa è cullettiva ind'è a nostra cità.

Unu di l'ughjettivi maiò di À Libru scioltu hè di ghjuvassi di ciò chì esiste digià è di trasfurmallu, è cusì dalli una seconda vita. Hè statu fattu un veru travagliu di ricuperazione, fendu nostre e cabine telefoniche di a Piazza San Niculà cun l'accunsentu d'Orange, ma dinù riaduprendu vechje urne eletturale chì sò state trasfurmate in scatule di barrattu in ogni quartieru.

Iss'urne sò state rinnuvate da i servizii tecnichi di a cità è imbellite da parechji artisti isulani (Graffink’, Marcè Lepidi, Claudia Battesti, Anne-Laure Tuyet, Jean Le Mac, Livia Acquaviva, Syl...), ma dinù da i stabilimenti sculari cum'è u Liceu Jean Nicoli è u Cullegiu Jeanne d’Arc.

Vultemu in Toga !

Issu venneri u 9 di settembre à 5 ore di sera, serà torna stallata a scatula à libri di u quartieru di Toga, trà u stadiu è i cummerci di u chjassu di u Furcone, cù a Municipalità è i bastiacci. Hè stata rializata da l'artista Sey. V'aspettemu numerosi per scoprela inseme !

Un'ultima scatula pè u quartieru di San Ghjisè

À Libru Scioltu cumpierà u so giru literariu bastiacciu cù a stallazione d'un'ultima scatula. Serà cuncipita da l'artista Syl. A data di l'inaugurazione vi serà trasmessa da quì à pocu.