Agenda Presse / Settimanale bastiacciu

Agenda di stampa da u 20 à u 26 di ferraghju di u 2017

Messu in linea u

, .JPG 590Ko ()Le cinéma pour enfants à l'honneur au centre culturel Alb'Oru

Eccu l'agenda di stampa è l'evenimenti impurtanti di a settimana in Bastia !

MARTI U 21 DI FERRAGHJU

10 ore di mane : CINE-ZITELLI, in cuurdinazione cù u sinemà Le STUDIO : una prugrammazione sinemà pruposta da a Direzzione di l'Affari Culturali di a Cità pè i zitelli durante e vacanze d'inguernu. À u prugramma stu ghjornu : ARRIETTY, le petit monde des chapardeurs (à partesi da 3 anni) ; Per i giovani -menu di 18 anni- : 3 euri, Maiò : 5 euri. Centru Culturale Alb’Oru.

Da meziornu à 5 ore di sera : È sè vo' andavate à dà u vostru sangue ? U camiò di culletta di l’EFS s'hè stallatu nant'à a Piazza San Niculà.

6 ore di sera : Ghjurnata Internaziunale di a Lingua Materna. Centre Culturel Alb’Oru. Cum’è di solitu, v’invitemu à celebrà cù noi Marti u 21 di ferraghju, a Ghjurnata internaziunale di a lingua materna da prumove a diversità linguistica è culturale ma dinù u multilinguisimu.

Issa ghjurnata celebrata digià in u 2015 è u 2016 in Bastia vole incalcà da mette in risaltu è in valore u campà inseme, a ricunniscenza di l’Altru in a so identità è in a so lingua materna.

Per u 2017, a cità di Bastia prupone una raprisentazione puetica in corsu, arabu, friulanu, talianu è francese da prumove e culture di u bacinu mediterraneu. Issu scontru hè almanaccatu à partesi da 6 ore di sera à a Mediateca di u Centru Culturale Alb’Oru.

V’invitemu à scumparte cù noi issa stondaprediletta cù Maurizio Mattiuzza, Siham Boulhal, Patrizia Gattaceca è Ghjacumu Thiers. À truvacci tandu !

18h00 : Cine- Marti, un sguardu nant'à u sinemà. Tematica di stu ghjornu : u sinemà Talianu. Cine’Marti prupone à l'abbituati di a Bibbiuteca Centrale a pruiezzione d'un filmu in giru à un genneru sinematugrafficu, d'un realizatore o d'un attore. L'animazione principierà cù una piccula presentazione, duv'è i participanti puderanu piglià a parolla s'elli volenu. Pudarete sceglie l'opera pruiettata trà una selezzione in raportu cù u sugettu di a seanza. Entrata libera, Spaziu mediateca di a Bibbiuteca Centrale.

MERCURI U 22 DI FERRAGHJU

10 ore di mane : CINE-ZITELLI, in cuurdinazione cù u sinemà Le STUDIO : IQBAL, l’enfant qui n’avait pas peur (à partesi da 6 anni). Centru Culturale Alb’Oru.

Da meziornu à 5 ore di sera : È sè vo' andavate à dà u vostru sangue ? U camiò di culletta di l’EFS s'hè stallatu nant'à a Piazza San Niculà.

GHJOVI U 23 DI FERRAGHJU

Da 9 ore di mane à 1 ora di u dopu meziornu : È sè vo' andavate à dà u vostru sangue ? U camiò di culletta di l’EFS s'hè stallatu nant'à a Piazza San Niculà.

10 ore di mane : CINE-ZITELLI, in cuurdinazione cù u sinemà Le STUDIO : BALLERINA (à partesi da 3 anni). Centru Culturale Alb’Oru.

VENNERI U 24 DI FERRAGHJU

10 ore di mane : CINE-ZITELLI, in cuurdinazione ù u sinemà Le STUDIO : COMME DES BETES (à partesi da 3 anni). Centru Culturale Alb’Oru.

11 ore di mane : Cunfarenza di stampa nant'à a Firma di a Cunvenzione Fondi pè l'Inserzione di e Persone Inferme di a Funzione Publica è a Cità di Bastia, cù Pierre Savelli, Merre di Bastia, Leslie Pellegri, Agiunta à u Merre incaricata di l'infirmità, a Cascia di i Dipositi è Cunsignazione, a Direzzione di e Risorse Umane di a Cità di Bastia è l'Associu A MURZA riprisentatu da u so direttore Guy Pancrazi.

SABBATU U 25 DI FERRAGHJU

10 ore di mane : CINE-ZITELLI, in cuurdinazione cù u sinemà Le STUDIO : ALBATOR, Corsaire de l’Espace (à partesi da 10 anni). Centru Culturale Alb’Oru.

MOSTRA
Da u 4 di ferraghju à u 12 di marzu : Mostra futugraffica di Marie Pancrazi « Loin ». Una serìa di futugraffie nant'à u so ritornu in Algeri, in giru à u parcorsu di u so babbone. Centru Culturale Alb’Oru (Lupinu).