Associu Praticalingua

Messu in linea u

praticalingua lingua corse amparera immersione - , .JPG 87Ko ()

A cità di Bastia hè partinaria di l’associu Praticalingua chì accaserà frà pocu in i lucali di Sant’Anghjulu. In corte parolle l’associu Praticalingua vi prupone sfarenti attelli (Cantu, viulinu, guitarra, infurmatica, inglese ecc…) induve a lingua ùn serà più ogettu di studiu ma arnese di studiu.

S’ellu hè riccu assai u tissutu assuciativu di u circondu bastiacciu, manc’unu ùn prupunia un’amparera di a lingua corsa per via d’attività immersive.

Issa brama hè attagnata oghje da l’associu Praticalingua chì vi prupone varii attelli da i più tradiziunali (Paghjella, viulinu, guitarra ecc…) à campi più oghjinchi cum’è l’infurmatica è i corsi di lingua inglese in lingua corsa.

Di modu cuncretu, issa struttura multiservizii hà per sboccu l’amparera è a pratica di a lingua corsa in immersione. L’insignamentu serà assicuratu da insignanti certificati.

Per andà al di là : praticalingua@gmail.com