Bastia hà un Museu stellatu !

Messu in linea u

Quist'annu dinù, u famosu Guide Vert Michelin hà ricunnisciutu a qualità di u Museu di Bastia è l'arricumanda da visita di primura.

"Oltre l'interessantissime mostre tempuranee, u Museu di Bastia palesa a storia di a cità secondu spettri diversi (puliticu, ecunomicu, culturale, suciale ecc,). Ùn mancate nè a sesta gigante di a cità, nè i cofani adurnati da i marinari chì testimunieghjanu di a vucazione purtuale prufonda di Bastia, nè e pitture barocche. Duie cisterne sprupusitate fatte à volte à truvà sottu terra, chì assicuravanu l'autunumia in acqua di a citatella in tempi d'assediu."

Eccu in corte parolle cum'ellu hè prisentatu u Museu di Bastia da u Guide Vert Michelin.

Una ricunniscenza meritata assai per u Museu di Bastia è a so squatra. U so stantu assuciatu à a vulintà di a municipalità hà permessu di fà di issu Museu un locu assignalatu è apertu inde u magnificu Palazzu di i Guvernatori genuvesi arrughjunatu in Terra Vechja.

A ricchezza di a cullezione permanente, a pertinenza di e mostre tempuranee, pensa omu à u successu attuale di a mostra intistata "Corsica Genovese", l'altiera bellezza di u so stucciu storicu, è a qualità di l'accolta anu sappiutu cunvince l'emissariu di u guida ad aghjudicà issa stella à u Museu.

Issa ricunniscenza s'impone da argumentu novu per accresce a fama naziunale è internaziunale di u Museu è innalzà lu da puntellu maiò di a cultura è u patrimoniu di u Mediterraniu.