Coworking di Bastia : « Back to paese »

Messu in linea u

Back to paese festa di a lingua Bastia  - , .JPG 470Ko ()

In u quatru di a « Festa di a lingua » a cità di Bastia è u coworking s’aduniscenu da prupone vi una tavula ritonda induve ellu si ragiunerà di ciò chì ferma un ideale per tutti i corsi spatriati, u ritornu.

Dopu à varii scontri in gir’à e nove tennulugie di l’infurmazione è di a cumunicazione, sugetti di sucetà, literatura è storia anderemu à sulcà un sugettu oghjincu più chè mai.

Ci ritruveremu à partesi da 6ore di sera à u Coworking di Bastia per ragiunà/cuntrastà nant’à ciò chì ferma forse per tutti i corsi spatriati un ideale à accimà, u ritornu.

« Back to paese » cù parechji attori di a sucetà corsa, cunnisciuti o menu cunnisciuti, anu fattu a scelta di spatrià si per iso studii o per u travagliu, eppo di vultà per Cirnu induv’elli sò oghje impegnati.

Issa stonda hè aperta à tutti, venite è dite a vostra !