Pesciu Anguilla “Un rumanzu bastiese”

Messu in linea u

lingua nustrale pesciu anguilla bastia lingua nostra rumanzu - , .JPG 79Ko ()

Sebastianu Nicolai, dettu Sebastianu Dalzeto fù l’autore di u primu rumanzu scrittu in lingua corsa, Pesciu Anguilla.

Quandu omu leghje primu rumanzu scrittu in lingua corsa, ci vole à vede ci u primu rumanzu scrittu in variezza dialettale bastiaccia è sò tante e spressione è i detti chì ci rinvianu à issa lingua bracanata, paragunata da Marie Jean Vinciguerra in u so prefaziu à un « vêtement d’Arlequin cousu de lumière, langue frémissante de vie, « Pesciu Anguilla », roman parlé, a l’accent bastiais».

Rumanzu suciale « Pesciu Anguilla » sottutitulatu « rumanzu bastiese » si stalvò intornu à l’anni 1880 in Bastia, u persunagiu principale Pépé Morsicalupa, dettu « Pesciu Anguilla » un « kid » à l’usu bastiacciu prisentatu da l’autore da « scalzu, scapigliatu è famitu » giranduleghja per issi carrughji pupulari, da U Vechju Portu à u Mercà passendu per U Puntettu veculu di a storia.

Eccu vi un abbozzu di issa Bastia di a fine di u XIXesimu seculu :

« Bianca è grisgia, Bastia a si ghjace, allungata nant’à u mare, esposta à u sole di u levante […] Eramu ind’è u 1881. Maghju, porta spalancata di a primavera, sparghjia, gluriosu e so munificenze. A natura mamma generosa, ridia sott’à i splendori di un sole d’oru, è u mare, schjettu cum’è un stagnu d’oliu, avia u culore di l’acqua turchina di una lavandara. Pudianu esse ottu ore di matina. I lattaghji s’eranu svapurati dopu avè vindutu a so mercanzia. I dui mercati, quellu di i legumi, cum’è quellu di i pesci, bullianu digià di ghjente. Bastia ripigliava a so fisiunumia matutinale. U ferrale, u bancalaru, u ramaghjolu, scarparu, battianu u ferru, pianellavanu u legnu, martellavnu paghjole è scarpi. Omu si sarebbe dettu ind’è isse cità infernale di u cuntinente. U Puntettu solu surtia di a so letergia. Qualchì bella zitella s’affaccava, i capelli imbuffati, l’ochji impastati, cumaccata da u travagliu nuttulinu… »

È voi u cunniscite à Pesciu Anguilla ?