Social / Suciale, Art et Culture / Arte è Cultura, Lingua corsa

U Caffè di u Corsu

Messu in linea u

, .PNG 90Ko ()

un appuntamentu misincu in lingua corsa intistatu : U Caffè di u Corsu.

U Caffè di u Corsu : « Per fà la campà »

 

Sunata hè l’ora di a rientrata 2016/2017, a Cità di Bastia è a so direzzione Lingua è Cultura corsa anu u dilettu di offre vi un appuntamentu misincu in lingua corsa intistatu : U Caffè di u Corsu.

Ogni mese una tematica nova venerà sfruttata indè un caffè bastiacciu, i temi accustati seranu parechji secondu e stagione è l’attualità.

 

Principieremu ghjovi u 29 di settembre in u caffè « La Terrasse » indè u carrughju eponimu, u sugettu : « A rientrata sculare è studientina, inghjochi è perspettive ».

 

Da schisà l’inciampu chì arreca troppu spessu u corsu ver’di a « claustration »  capite, fà usu di a lingua corsa per parlà di u corsu, ghjucheremu l’assai nantu à u ghjuvore suciale da criteriu fundivu è u capivultà di u paradigmu diglossicu. Serà di primura di offre spazii autonomi, favurì dinù sottu spazii linguaghjaghji chì ùn dipenderianu più di a lingua preputente, guarantisce u passa è veni suciale in grembiu à a cumunità è mantene un’esigenza cumunicativa.

 

« Employer la langue dans des domaines circonscrits risque de conduire la communauté à ôter toute dimension communicative et d’engager la langue corse comme un gage identitaire ou « langue porte drapeau ». (Si veca Romain Colonna LES PARADOXES DE LA DOMINATION LINGUISTIQUE La diglossie en questions).

 

I dibattiti seranu filmati è resi nantu à i canali di a cità di Bastia, issu filmu da permette ch’ellu sia issu patrimoniu riguaratu, dinamicu vale à dì tramandatu è messu à ghjuvore di tutti.

 

 

 

À truvà ci u 29 di settembre !