Bastia cità attrattiva

Da rende la più attrattiva è più cunviviale, a municipalità hà sceltu di valurizà u so patrimoniu è di pensà à una strategia turistica cuncreta. A definizione di un quadru generale è di una virsura nova permetterà di arricà sensu è cuerenza à tutte l'azzioni setturiale messe in opera à prò di a cità.

Bastia, una cità in piena muta

Da prupone un rimediu à a mancanza di una vera andatura d'inseme di a so entità è di u so sviluppu, a Cità di Bastia si dà di rimenu per apparinà a so pulitica urbana è parà à a segregazione socioculturale di certi quartieri, à e so mancanze in quantu à l'infrastrutture, è à a so virsura estrosa di pettu à u mare è à i so vicini di u Mediterraniu.

 

A municipalità piglia a pratesa di rifundà l'Uffiziu di u Turisimu di Bastia incurpurendu u turisimu in l’inseme di a pulitica di a cità, di neguzià l'orarii di i battelli per inghjennà tornaconti à prò di i cummercianti è di sviluppà prudutti turistichi. A cità vole dinù incuragisce a creazione di capacità d'alloghji à valore forte aghjustatu nantu à a cumuna, rende dinù à Bastia a so vucazione marittima è balnearia incù l'assestu di i rinaghji di a Rinella è di Toga, è di neguzià cù a Camera di Cummerciu è d'Industria di Bastia di u Cismonte a messa à dispusizione, nantu à u portu di cummerciu, d'un parcheghju liberu è custuditu.