Bastia cità pratica

À l’ascoltu di e primure di i so cuncitadini, a municipalità di a cità di Bastia sviluppa azzione da megliurà a qualità di u so quadru di vita. Postu ch’ella dispone di avantaghji naturali chì li permettenu di offre una qualità di vita di livellu altu, si ha da sviluppà a cità ingiru à l’idea, fundamentale, di u « campà megliu inseme ».

Bastia, una cità capace à adattà si à i so abitanti

A cità cunnosce mutazione di i modi di usu oghje sempre, ne hè cuscente a municipalità. Cerca, dopu un’analisi di e prublematiche, à risponde ci cù suluzione adatte.

Dà capu à parechji prugetti : a difesa di u spedale di Bastia, attrazzu di salute publica chì simbulizeghja u dirittu fundamentale, per tutt’ognunu, di accede à i servizii di salute. Hè dinù un centru d’impieghi maiò per Bastia è u so circondu.

A municipalità crea e cundizione di un’azzione suciale forte è ghjusta, rinfurzendu u rollu di u Centru Cumunale per l’Azzione Suciale.

A Cità studieghja è sviluppa dui prugetti di spazii verdi à u Forte Lacroix è in Toga, da megliurà a qualità di vita.

Inizieghja dinù un prugramma ampiu :

« Bastia, cità pulita, cità verde, per tutti »

Travaglia à una pulitica vera di securità da permette u « campà megliu inseme », ma dinù da fà spuntà una cità viva è allegra accurdendu i desiderii di i residenti è di i cummercianti.