Oratoriu di a cunfraterna di l’Immaculata Cuncezzione

Hè stata fundata in u 1588 a cunfraterna di l’Immaculata Cuncezzione. L’edifiziu chì li ghjova di cappella hè statu compiu in u 1609. A so facciata l’adorna un purtone baroccu di u 1704, è hè ricuperta da lastre di marmaru di Carrara, poste in u 1858 è in u 1859.

Oratoire de la Confrérie de l'Immaculée Conception - Allargà a fiura, .JPG 340Ko (fenêtre modale)
Oratoire de la Confrérie de l'Immaculée Conception© cità di bastia

Indrentu, i muri sò tesi à damaschi di seta è i pilastri cuperti di villutu di Genuva. L’usu di urnamenti testili nant’à i muri di e chjese di Bastia vene da una tradizione genuvese ch’ellu hà intruduttu u guvernatore Filippo da Passano in lu 1589.

Hè di u XVIIu seculu u decoru di a volta. Una squadra di pittori taliani, diretta da u fiurentinu Bernardo Francesco Sieni, hè stata incaricata di u ristoru di stu decoru, è l’anu cumplettatu, in u 1855. 

U retrutavula architetturatu di l’altare maiò, cù culonne monolite, fù zuccatu in u 1624. A tavula di l’altare, ella, hè in u 1763 ch’ella fù rifatta. In quantu à a pittura di l’altare, si ne incaricatu Léon Olivié, segondu un mudellu di Murillo.

A meza luna di argentu chì adurneghja l’ultimu scalinu di l’altare hè un candileru, omu si ne ghjuvava solu per e feste maiò. Stu candileru hè opera di l’orefice di Sienna Gaetano Macchi, da fà lu in u 1856-1857, ci sò vulsuti 6,5 chg di argentu.

L’altari posti à ogni latu, di marmaru pulicromu, sò stati innalzati in u 1764. Si pò vede, à manu diritta, una pittura nant’à legnu (u Cristu portacroce) di u principiu di u XVIu seculu. À manu manca, una pittura di u Bastiacciu Ange Varese, fatta in u 1885, raprisenta à San Filippu Neri è à San Francescu di Assisi indinuchjati davanti à San Ghjisè.

 

Et aussi...

  • A Catedrale Santa Maria Assunta

    U decoru hè l’opera di i maestri stuccatori è di i pittori di u XVIIIu è di u XIXu seculu. Hè stata arricchita da i doni diviziosi di i veschi, di i curati è di i guvernatori chì anu datu pitture, statule, ogetti di orificeria. Per via di quessa, Santa Maria face un bellu spiccu in Bastia.

  • Palazzu di i Guvernatori

    L’edifiziu originale hè statu innalzatu da u guvernatore genuvese, Leonello Lomellini, in u 1380. Tandu, era solu una custruzzione furtificata chì hà datu u so nome à a cità « la Bastia ».

  • A Chjesa paruchjale San Ghjuvan’Battista

    Hè a chjesa più maiò di Corsica San Ghjuvan’Battista. Hè stata innalzata trà u 1636 è u 1666 induv’ella ci era, prima, una cappella.

  • Casamentu di i Nobili Dodeci

    Fù innalzatu in u 1703 duv’elle ci eranu nanzu e butteghe. U Casamentu di i Nobili Dodeci era a residenza di u raprisentante elettu di u « Di quà da monti » (u Cismonte oghjincu) chì cunsigliava u guvernatore genuvese.

  • A Porta Luigi XVI

    Era prima l’unicu accessu da pudè entre in a Citadella accinta ch’ella era da muraglioni, finch’ella fussi aperta a porta cù e turricelle, in u 1936, davanti à a catedrale. Sta porta maiò hè rifatta è imbellita in un stile necolassicu, mentre u regnu di Luigi XVI.

  • Oratoriu di a cunfraterna di a Santa Croce

    L’oratoriu di a cunfraterna di a Santa Croce, innalzatu in u 1543 nant’à un terrenu pussedutu da a basilica di San Ghjuvanni di u Lateranu chì hè a catedrale di u pontefice, hè dedicata à A Nunziata. In u 1600, si torna à custruisce l’edifiziu, da tandu ùn hè cambiatu per ciò chì tocca à e so dimensione.

  • Oratoriu di a cunfraterna di San Roccu

    Fù fundata in u 1588 a cunfraterna di San Roccu. Segondu a tradizione hè riservata à i giuvanotti di parochja di a cità bassa, omi fatti a devenu lascià da entre in un’altra cunfraterna.

  • Piazza Vincetti - Piazza d’Arme

    Prima sbuccava un ghjargalu in u Portu Vechju. Era l’anzianu portu di u paese di Belgodere, stabbilitu sopra à Bastia, sparitu oghje.

  • Piazza San Niculà

    Longa 280 metri è larga 80, u nome di a piazza San Niculà li vene da una chjesa è da un ospedale custruitu, mentre u Medievu, in issu locu. Questi sò stati spiantati in u 1889, da pudè allargà a piazza è allungà u corsu Paoli.