Oratoriu di a cunfraterna di San Roccu

Fù fundata in u 1588 a cunfraterna di San Roccu. Segondu a tradizione hè riservata à i giuvanotti di parochja di a cità bassa, omi fatti a devenu lascià da entre in un’altra cunfraterna.

Oratoire de la Confrérie Saint Roch - Allargà a fiura, .JPG 245Ko (fenêtre modale)
Oratoire de la Confrérie Saint Roch© cità di bastia
Oratoire de la Confrérie Saint Roch - Allargà a fiura, .JPG 611Ko (fenêtre modale)
Oratoire de la Confrérie Saint Roch© cità di bastia

Ci hè vulsutu à innalzà torna l’oratoriu in u 1604, chì u primu era troppu chjucu. Mentre u XIXu seculu, si hè incaricatu di i decori di a facciata l’architettu bastiacciu Jean-Louis Guasco, in un stile neoclassicu. Quattru culonne di ordine tuscanu puntellanu un curnicione chì un fruntone triangulare incuruneghja. U purtone di marmaru biancu, scarpillinatu da u marmaristu bastiacciu di ceppu tuscanu Giuseppe Bertolucci in u 1860, hè supranatu da a cunchiglia di i pellegrini.

À l’indrentu, u decoru mantene l’ambiu di l’oratorii barocchi di Liguria chì anu i muri cuperti di damascu di seta rossa è di una rivestitura di legnu di noce inciratu.

U retrutavula architetturatu di l’altare maiò, cù culonne monolite, fù zuccatu in Bastia in u 1692 da u marmaristu genuvese Domenico Saporito. In u 1798, sò stati rifatti a tavula di l’altare è i scalini.

In quantu à a pittura di l’altare maiò, hè opera fatta in u 1626 da u famosu artista fiurentinu Giovanni Bilivert. Ci si pò vede à San Roccu, San Martinu, Santa Catalina di Alessandria è San Bastianu indinuchjati davanti à a Vergine cù u Bambinu.

In a navata, duie nichje invitrate prutegenu statule di legnu pulicromu per e prucessione. À avè le sculpite hè Luigi Grisciella. Quella à manca raprisenta à San Roccu, à diritta San Bastianu fatta in u 1801.

 

Et aussi...

  • A Catedrale Santa Maria Assunta

    U decoru hè l’opera di i maestri stuccatori è di i pittori di u XVIIIu è di u XIXu seculu. Hè stata arricchita da i doni diviziosi di i veschi, di i curati è di i guvernatori chì anu datu pitture, statule, ogetti di orificeria. Per via di quessa, Santa Maria face un bellu spiccu in Bastia.

  • Palazzu di i Guvernatori

    L’edifiziu originale hè statu innalzatu da u guvernatore genuvese, Leonello Lomellini, in u 1380. Tandu, era solu una custruzzione furtificata chì hà datu u so nome à a cità « la Bastia ».

  • A Chjesa paruchjale San Ghjuvan’Battista

    Hè a chjesa più maiò di Corsica San Ghjuvan’Battista. Hè stata innalzata trà u 1636 è u 1666 induv’ella ci era, prima, una cappella.

  • Casamentu di i Nobili Dodeci

    Fù innalzatu in u 1703 duv’elle ci eranu nanzu e butteghe. U Casamentu di i Nobili Dodeci era a residenza di u raprisentante elettu di u « Di quà da monti » (u Cismonte oghjincu) chì cunsigliava u guvernatore genuvese.

  • A Porta Luigi XVI

    Era prima l’unicu accessu da pudè entre in a Citadella accinta ch’ella era da muraglioni, finch’ella fussi aperta a porta cù e turricelle, in u 1936, davanti à a catedrale. Sta porta maiò hè rifatta è imbellita in un stile necolassicu, mentre u regnu di Luigi XVI.

  • Oratoriu di a cunfraterna di a Santa Croce

    L’oratoriu di a cunfraterna di a Santa Croce, innalzatu in u 1543 nant’à un terrenu pussedutu da a basilica di San Ghjuvanni di u Lateranu chì hè a catedrale di u pontefice, hè dedicata à A Nunziata. In u 1600, si torna à custruisce l’edifiziu, da tandu ùn hè cambiatu per ciò chì tocca à e so dimensione.

  • Oratoriu di a cunfraterna di l’Immaculata Cuncezzione

    Hè stata fundata in u 1588 a cunfraterna di l’Immaculata Cuncezzione. L’edifiziu chì li ghjova di cappella hè statu compiu in u 1609. A so facciata l’adorna un purtone baroccu di u 1704, è hè ricuperta da lastre di marmaru di Carrara, poste in u 1858 è in u 1859.

  • Piazza San Niculà

    Longa 280 metri è larga 80, u nome di a piazza San Niculà li vene da una chjesa è da un ospedale custruitu, mentre u Medievu, in issu locu. Questi sò stati spiantati in u 1889, da pudè allargà a piazza è allungà u corsu Paoli.

  • Piazza Vincetti - Piazza d’Arme

    Prima sbuccava un ghjargalu in u Portu Vechju. Era l’anzianu portu di u paese di Belgodere, stabbilitu sopra à Bastia, sparitu oghje.