Piazza San Niculà

Longa 280 metri è larga 80, u nome di a piazza San Niculà li vene da una chjesa è da un ospedale custruitu, mentre u Medievu, in issu locu. Questi sò stati spiantati in u 1889, da pudè allargà a piazza è allungà u corsu Paoli.

Da a piazza Narbonne à a piazza San Niculà

Place Saint Nicolas - Allargà a fiura, .JPG 501Ko (fenêtre modale)
Place Saint Nicolas© cità di bastia
Place Saint Nicolas, photographiée vers 1860 - Allargà a fiura, .JPG 353Ko (fenêtre modale)
Place Saint Nicolas, photographiée vers 1860© cità di bastia
La mongolfière de Louis Capazza sur la place Saint-Nicolas (16 décembre 1886) - Allargà a fiura, .JPG 680Ko (fenêtre modale)
La mongolfière de Louis Capazza sur la place Saint-Nicolas (16 décembre 1886)© cità di bastia
Place Saint Nicolas, en 1898 (coll. Palais Caraffa) - Allargà a fiura, .JPG 473Ko (fenêtre modale)
Place Saint Nicolas, en 1898 (coll. Palais Caraffa)© (coll. Palais Caraffa) - cità di bastia

Vene assestata sta piazza mentre u XVIIIu seculu : l’auturità francese nove decidenu di fà di stu terrenu viotu  un locu di scialu è di spassighjata. Hè chjamatu tandu, stu piazzale in tagliu di mare, piazza Narbonne, da unurà u conte Narbonne, generale francese mandatu in Corsica da Luigi XV. Muta nome mentre a Revuluzione, diventa a piazza u Campu di Marzu postu ch’ella ghjova per e manuvre militare. Hè chjamata piazza di Rivière in u 1816 da unurà u marchese Charles de Rivière, Guvernatore di a Corsica in tempi di a Restaurazione.

Mentre a Munarchia di Lugliu (1830-1848), hè chjamata piazza Louis-Philippe per via di u nome di u Rè.

À u compie di u XIXu seculu, hè allargata torna a piazza per via di u riempiimentu di a cala di u Fangu cù a terra è e petre chì venianu da i travagli di u tunellu per u trenu in traccia di esse scavatu. In u 1894, hè accintu u piazzale da una balaustra, sò posti i platani in u 1898. Hè fattu u sbreiu in u 1900, è hè compiu u riempiimentu. Sò posti, in u 1907, 50 palme phoenix canariensis, compre in una piantinaghja di Golfe-Juan.

Un chjoscu per a musica, di fonte di farru, hè cumandatu a listessa annata in a funderia Guillot-Pelletier di Orléans. Postu in core di a piazza, hè inauguratu in u 1908.

 

Et aussi...

  • A Catedrale Santa Maria Assunta

    U decoru hè l’opera di i maestri stuccatori è di i pittori di u XVIIIu è di u XIXu seculu. Hè stata arricchita da i doni diviziosi di i veschi, di i curati è di i guvernatori chì anu datu pitture, statule, ogetti di orificeria. Per via di quessa, Santa Maria face un bellu spiccu in Bastia.

  • Palazzu di i Guvernatori

    L’edifiziu originale hè statu innalzatu da u guvernatore genuvese, Leonello Lomellini, in u 1380. Tandu, era solu una custruzzione furtificata chì hà datu u so nome à a cità « la Bastia ».

  • A Chjesa paruchjale San Ghjuvan’Battista

    Hè a chjesa più maiò di Corsica San Ghjuvan’Battista. Hè stata innalzata trà u 1636 è u 1666 induv’ella ci era, prima, una cappella.

  • Casamentu di i Nobili Dodeci

    Fù innalzatu in u 1703 duv’elle ci eranu nanzu e butteghe. U Casamentu di i Nobili Dodeci era a residenza di u raprisentante elettu di u « Di quà da monti » (u Cismonte oghjincu) chì cunsigliava u guvernatore genuvese.

  • A Porta Luigi XVI

    Era prima l’unicu accessu da pudè entre in a Citadella accinta ch’ella era da muraglioni, finch’ella fussi aperta a porta cù e turricelle, in u 1936, davanti à a catedrale. Sta porta maiò hè rifatta è imbellita in un stile necolassicu, mentre u regnu di Luigi XVI.

  • Oratoriu di a cunfraterna di a Santa Croce

    L’oratoriu di a cunfraterna di a Santa Croce, innalzatu in u 1543 nant’à un terrenu pussedutu da a basilica di San Ghjuvanni di u Lateranu chì hè a catedrale di u pontefice, hè dedicata à A Nunziata. In u 1600, si torna à custruisce l’edifiziu, da tandu ùn hè cambiatu per ciò chì tocca à e so dimensione.

  • Oratoriu di a cunfraterna di l’Immaculata Cuncezzione

    Hè stata fundata in u 1588 a cunfraterna di l’Immaculata Cuncezzione. L’edifiziu chì li ghjova di cappella hè statu compiu in u 1609. A so facciata l’adorna un purtone baroccu di u 1704, è hè ricuperta da lastre di marmaru di Carrara, poste in u 1858 è in u 1859.

  • Oratoriu di a cunfraterna di San Roccu

    Fù fundata in u 1588 a cunfraterna di San Roccu. Segondu a tradizione hè riservata à i giuvanotti di parochja di a cità bassa, omi fatti a devenu lascià da entre in un’altra cunfraterna.

  • Piazza Vincetti - Piazza d’Arme

    Prima sbuccava un ghjargalu in u Portu Vechju. Era l’anzianu portu di u paese di Belgodere, stabbilitu sopra à Bastia, sparitu oghje.