Piazza Vincetti - Piazza d’Arme


Prima sbuccava un ghjargalu in u Portu Vechju. Era l’anzianu portu di u paese di Belgodere, stabbilitu sopra à Bastia, sparitu oghje.

Piazza Vincetti / Place Vincetti - Allargà a fiura, .JPG 385Ko (fenêtre modale)
Piazza Vincetti / Place Vincetti© cità di bastia
Piazza Vincetti / Place Vincetti - Allargà a fiura, .JPG 674Ko (fenêtre modale)
Place Vincetti : La place d'Armes par William Cowen, gravure de 1843© (Musée de Bastia) - cità di bastia
Piazza Vincetti / Place Vincetti - Allargà a fiura, .JPG 567Ko (fenêtre modale)
Piazza Vincetti / Place Vincetti
vue aérienne
© cità di bastia
Le ravin du Porto Vecchio, dessiné sur un plan de 1738  - Allargà a fiura, .JPG 600Ko (fenêtre modale)
Le ravin du Porto Vecchio, dessiné sur un plan de 1738 © (Bibliothèque Patrimoniale de Bastia) - cità di bastia

Hè statu riempiutu, à pocu à pocu, à parte si da u 1834 da pudè allargà a piazza di u Portu Vechju, chjamata  dopu piazza d’Arme chì, ogni ghjornu, a guarnigione di a citadella ci si facia e so manuvre militare.

In u 1850, u Cunsigliu municipale, primurosu di imbellisce l’entrata sud di a cità, hà idea di stende a piazza d’Arme, di pone ci arburi da fà ne un locu da spassighjà ci. Sò vutati i primi crediti in u 1852, ma i travagli a si allonganu mentre anni è anni (45 anni è più) per via di e difficultà tecniche liate à u riempiimentu.

Diventa a piazza un locu praticatu assai di Bastia. I carritteri chì ghjunghjianu in cità ci si davanu appuntamentu. Per stu locu di vita, rimurosu assai, tutt’ognunu era custrintu à passà ci (tandu ùn si parlava ancu di scavà un tunellu sottu à u vechju portu). Ogni ghjornu, eranu numerosi l’animali da tiru à esse ci inchjustrati. In u 1865, eranu 600 è più, à ghjornu, i carretti à passà ci.

Diventa a piazza, in l’anni 20, u primu terrenu di pallò uffiziale di a cità. U so nome, oghje, hè quellu di u resistente Dumenicu Vincetti, feritu à morte in u 1943.

 

Et aussi...

  • A Catedrale Santa Maria Assunta

    U decoru hè l’opera di i maestri stuccatori è di i pittori di u XVIIIu è di u XIXu seculu. Hè stata arricchita da i doni diviziosi di i veschi, di i curati è di i guvernatori chì anu datu pitture, statule, ogetti di orificeria. Per via di quessa, Santa Maria face un bellu spiccu in Bastia.

  • Palazzu di i Guvernatori

    L’edifiziu originale hè statu innalzatu da u guvernatore genuvese, Leonello Lomellini, in u 1380. Tandu, era solu una custruzzione furtificata chì hà datu u so nome à a cità « la Bastia ».

  • A Chjesa paruchjale San Ghjuvan’Battista

    Hè a chjesa più maiò di Corsica San Ghjuvan’Battista. Hè stata innalzata trà u 1636 è u 1666 induv’ella ci era, prima, una cappella.

  • Casamentu di i Nobili Dodeci

    Fù innalzatu in u 1703 duv’elle ci eranu nanzu e butteghe. U Casamentu di i Nobili Dodeci era a residenza di u raprisentante elettu di u « Di quà da monti » (u Cismonte oghjincu) chì cunsigliava u guvernatore genuvese.

  • A Porta Luigi XVI

    Era prima l’unicu accessu da pudè entre in a Citadella accinta ch’ella era da muraglioni, finch’ella fussi aperta a porta cù e turricelle, in u 1936, davanti à a catedrale. Sta porta maiò hè rifatta è imbellita in un stile necolassicu, mentre u regnu di Luigi XVI.

  • Oratoriu di a cunfraterna di a Santa Croce

    L’oratoriu di a cunfraterna di a Santa Croce, innalzatu in u 1543 nant’à un terrenu pussedutu da a basilica di San Ghjuvanni di u Lateranu chì hè a catedrale di u pontefice, hè dedicata à A Nunziata. In u 1600, si torna à custruisce l’edifiziu, da tandu ùn hè cambiatu per ciò chì tocca à e so dimensione.

  • Oratoriu di a cunfraterna di l’Immaculata Cuncezzione

    Hè stata fundata in u 1588 a cunfraterna di l’Immaculata Cuncezzione. L’edifiziu chì li ghjova di cappella hè statu compiu in u 1609. A so facciata l’adorna un purtone baroccu di u 1704, è hè ricuperta da lastre di marmaru di Carrara, poste in u 1858 è in u 1859.

  • Oratoriu di a cunfraterna di San Roccu

    Fù fundata in u 1588 a cunfraterna di San Roccu. Segondu a tradizione hè riservata à i giuvanotti di parochja di a cità bassa, omi fatti a devenu lascià da entre in un’altra cunfraterna.

  • Piazza San Niculà

    Longa 280 metri è larga 80, u nome di a piazza San Niculà li vene da una chjesa è da un ospedale custruitu, mentre u Medievu, in issu locu. Questi sò stati spiantati in u 1889, da pudè allargà a piazza è allungà u corsu Paoli.