Mediateca

Mediateca, lettura publica, arte numeriche

- Allargà a fiura, .JPG 467Ko (fenêtre modale)

A mediateca indrentu à u Centru Culturale di Lupinu rimpiazza a bibbiuteca annessa «  U Principellu » chì accuglia tandu una area di 76 m² per un spaziu novu chì ne offre 800 m².

A nova mediateca permette di valurizà, di amplificà u travagliu digià rilizatu in materia di sviluppu di a lettura publica indiata da a Cità. A mediateca hà missione adatte à l’ambiente di u quartieru di Lupinu, ma dinù ver’di u restu di a cità.

Puntellu di u retale di lettura publica bastiacciu inde issu quartieru incù, per ubbiettivu maiò, u sviluppu di a lettura è di l’azzione culturale sottu à forme multiplice, lettura è cultura favurizendu l’autunomia è l’inserimentu suciale.

Spaziu per i Maiò è Spaziu per i Zitelli 

Issi dui spazii pruponenu attività cumplementarie è cullezzioni multimedia.

A mubiglia è u materile di i spazii per i maiò è per i zitelli si cumponenu di parastasgii, di apparechji di lettura di ducumenti multimedia (CD, DVD) cascu di ascoltu senza filu, lettori di CD, di DVD… di posti infurmatichi per a cunsultazione à prò di u publicu di un catalogu di e bibbiuteche è di Internet, di tutta l’infurmazione multimedia utule à a furmazione iniziale è à l’autofurmazione di u publicu.

I dui spazii (per i maiò è per l’adulti) disponenu ognunu di un bancu di accolta è di infurmazione stallati messi in vista.

Spaziu animazione – mediazione

Hè cumpostu di una sala di travagliu in gruppu o di reunione chì puderà assicurà :

  • animazioni per i zitelli.
  • animazioni è scontri per tutti i publichi. 

E Cullezzioni

E cullezzioni cunteranu 23.000 ducumenti scumpartuti trà : 18 000 libri è stampati / 80 tituli di periudichi / CD – DVD. L’offerta numerica (ebooks, è accessu à i servizii di cunsultazione in linea) aperta à l’abbunati, in cunsultazione sopra locu è in casa soia.