Centru Culturale Alb'Oru

L’ambizione di u centru culturale Alb’Oru, arrughjunatu à u crucivia trà u centru storicu è, u Meziornu, hè di creà puntili, di avvicinà i Bastiacci trà di elli, di diventà un spaziu di vita è di scontri, di prupone una prugrammazione culturale ricca assai. Cum’è u teatru municipale chì face parte di l’ambiu bastiacciu, a cumuna vole chì l’abitanti s’impatruniscanu di u locu in tuttu.

U novu centru culturale di u gran’Bastia !

- Allargà a fiura, .JPG 586Ko (fenêtre modale)

Da u principiu, fù cuncipitu da locu dedicatu à e musiche oghjinche è voltu ver’di i publichi i più giovani, a municipalità hà vulsutu allargà ne e pruspettive. U prugettu artisticu di u locu si vole vultatu versu l’urientazioni naturali vale à dì l’apertura versu u mare è u riacquistu di u patrimoniu isulanu, è quessa, sempre in una visione cuntempuranea è viva. 

À u serviziu di tutti i Bastiacci è ancu al dilà, l’Alb’Oru hè cumpostu di una sala di spettaculu, di una mediateca, di una sala di pratiche, di un spaziu caffetteria, di muri di mostra, di 4 studioli di ripetizione, di un teatru di virdura, di spazii à l’infora è interni permettendu azzioni culturali varii, hè pensatu da finestrinu nant’à u mondu, un locu plurale, una piattaforma artistica, un laburatoriu.

 

Horaires de l'Alb'Oru - Allargà a fiura, .JPG 119Ko (fenêtre modale)
Horaires de l'Alb'Oru© cità di bastia