Bastia in mossa !

Ghjè a Cumunità d’Agglumerazione chì tene a cumpetenza di l’attività fisiche. Oghje, u gran’Bastia conta più di 100 squadre spurtive cù circa 15.000 licenziati.

E missione ogni ghjornu

A CAB assicureghja e so missione à prò di e discipline, i praticanti è di a populazione.

Sta pulitica riguarda : a realizazione, l’intrattenimentu è a gestione di l’attrazzi di a cumunità : 9 stadii, 5 COSEC, 2 piscine, 6 corsi di tennis, 2 base nautiche, sia 24 siti.

Un partinariatu cù i « clubs » : versamentu di suvvenzioni di funziunamentu (vede a rubrica Ducumentazione, à manu manca di a pagina di Accolta di u situ) ; messa à a dispusizione di gratisi di tutti l’attrazzi spurtivi ; animazione da permette à i zitelli è i zitelloni a scuperta di discipline tradiziunale o pratiche nove ; urganizazione (Festa di u Sportu) o partinariati d’avvenimenti.

L’obbiettivi di spannamentu di l’individui è di cuesione suciale : tutte e discipline è l’acquisti purtati da u sportu sò pigliati in contu (cumpetizione, educazione, spassatempi, salute, benistà, stima di sè, rispettu di l’altru, diversità suciale, inserimentu, privenzione di a delinquenza).

I siti spurtivi

I siti spurtivi chì sò aduprati da a CAB anu per sboccu u suddesfu di i bisogni liati à a pratica spurtiva.

Si conta

  • 1 stadiu dedicatu in tuttu à u ghjocu à pallò prufessiunale: Stadiu Armand Cesari
  • 8 stadii o strutture à l’apertu : Toga (Ghjocu à pallò), Fangu (Ghjocu à pallò, tennis, handball, basket, muru di appichjata), Roger Poggi (Ghjocu à pallò), Erbaghjolu (Ghjocu à pallò), Bastiò (Ghjocu à pallò) Vulpaghju (addestramentu di ghjocu à pallò è rugby), Miomu (Ghjocu à pallò), Cumplessu di Montesoru (atletisimu).
  • 2 piscine : Carbonite (vasca di 25 m, 6 filari, vasca da i zitelli), Fangu (vasca di 25 m, 4 filari).
  • 6 Cosec / Sale di sportu : Fangu (basket, ballu, bozza, ginnastica spurtiva, arte marziale, scrima), Pepito Ferretti (handball, volley, basket, arte marziale, tennis di tavula), Petranera (sporti di cumbattimentu, ginnastica, ballu), Eugène Bertucci (basket, volley, ballu, ginnastica, tennis di tavula, sporti di cumbattimentu), Montesoru (handball, volley, basket, tiru à l’arcu).
  • 2 Base nautiche : A Rinella (vela, kayak, canoë), I Minelli (ciuttata).
  • 5 corsi di tennis : Carbonite (3), Furiani (2).

Dans cette rubrique