Ameliurazione di l'alloghji

U benestà in cità dipende dinù di a qualità di l’alloghji. Hè per quessa, ch’ella si mubilizeghja Bastia da guarantisce pussibilità di alloghji adatti à tutti. Si sò assuciati a municipalità è i so partenarii da accumpagnà è aiutà l’inseme di l’abitanti in e so dimarchje è i so prugetti.

Cù equità, accede à un alloghju


 

In media, l’alloghju raprisenta circa 30% di e spese di e famiglie.

S’ellu si cunsidereghja e cundizione attuale di u mercatu, allughjà si hè una vera sfida è un prublema per parechji.

Guasi 1500 dumande per un alloghju cù una pigione muderata ùn anu micca ottenutu risposte in Cismonte. Bisugneria dunque à custruisce circa 500 alloghji ogni annu in Bastia è in u so circondu.

Si hè impegnata a municipalità à mette in opera un pianu strategicu à favore di u parcu attuale di l’alloghji suciale, à inizià un prugettu di rinnovu urbanu à longu andà.

L’urientazione maiò sò :

> A lotta contr’à l’alloghju malsanu,

> Favurisce l’accessu à a pruprietà per via di suluzione finanziarie è fiscale nuvatrice, turnà à stabilisce l’esunerazione di a tassa fundaria mentre dui anni.