Un avvene pè u centru storicu

U 12 d'ottobre di u 2016, u Cumitatu d'Impegnu Lucale hà cunvalidatu u Prugettu novu di Rinnovu di u Centru Storicu di Bastia (PRQAD), cù principalmente a quistione di u patrimoniu citatinu di u Puntettu in cor' di u dibattitu.

- Allargà a fiura, .PNG 1.3Mo (fenêtre modale)
- Allargà a fiura, .PNG 267Ko (fenêtre modale)
- Allargà a fiura, .PNG 726Ko (fenêtre modale)
- Allargà a fiura, .PNG 527Ko (fenêtre modale)
- Allargà a fiura, .PNG 357Ko (fenêtre modale)
- Allargà a fiura, .PNG 257Ko (fenêtre modale)

À partesi da u 2008, Inseme per Bastia s'era impegnatu pè a salvezza di u Puntettu. Issa quistione citatina chì tocca l'alloghju è u patrimoniu, hà fattu parte di u prugettu di a maiurità municipale eletta in u 2014. Dipoi tandu, Gilles Simeoni, di modu logicu, rilanciava a quistione d'issu prugettu, digià in ballu, per mudificà i punti stategichi è rendeli più adatti à ciò ch'ellu si pensava dipoi parechj'anni.

3 punti sò messi in discussione :

  • ristabilì un dialogu cù una parte di a populazione opposta à u prugettu cunvenziunatu prima (Puntettu è Parcheghju Gaudin) principalmente
  • per mantene di più u patrimoniu (di menu destruzzione à u Puntettu),
  • per sviluppà a parte ecunomica di u prugramma.

Quand'ellu hà pigliatu e so funzione, Pierre Savelli hà mantenutu a scelta di u merre Gilles Simeoni è hà fattu fà a preparazione di i studii è di e cunsulte ch'ellu ci vole pè mette in sesta u prugettu novu.

I ducumenti chì seguitenu mostranu e mudifiche principale chì facenu u prugettu novu chì ghjè statu accettatu da tutti di i partenarii lucali è naziunali, à u livellu funziunale è di u bilanciu. L’ANRU (Agenzia Naziunale di Rinnovu Urbanu) per via di u so Prisidente F. Pupponi hà principalmente mantenutu a so participazione impurtante.

Pè u bilanciu, sè u prugettu và da 31,9 M€ à 33,6 M€, tandu diventa più impurtante ma senza pisà nant'à a parte di e cullettività lucale, a Cità in particulare :

  • Un prugramma arricchitu
  • A parte di e cullettività mantenuta
  • A suvvenzione ANRU cunservata
  • A crescita di a participazione di u Statu (PEI)

Mudifiche impurtante di u prugettu :

Pè u Spaziu Gaudin :

Dopu à a verifica di u livellu di e nucività (sunore è ambiantale, è particularmente a qulaità di l'aria) u parcheghju hè mantenutu ind'è u prugettu.

  • Rinnuvazione, messa à e norme di a scola attuale mentre i trvaglii di u parcheghju.
  • Stallazione di a ciucciaghja cullettiva à pianu di u casamentu.
  • Prugettu pedagogicu nuvatore.

Pè u Puntettu :

Parechje pussibilità, circhendu di sminuì à u massimu e destruzzione di casali, sò state studiate tenendu contu di u rigulamentu generale di l'ANRU è di ciò ch'ella aspetta a populazione.

  • 2 casali distrutti (invece di 5 à principiu). Una vittoria à prò di a prutezzione di u patrimoniu di u quartieru.
  • Arnesi di quartieru in cor' di u Puntettu d’à pocu pressu 150 m² - l'usu ne serà definitu cù a pupulazione (spaziu di citatinanza, di sviluppu ecunomicu, numericu, d'innuvazione….)

A deliberazione di u cunsigliu municipale nant'à issu cartulare si ferà l'8 di nuvembre di u 2016.

A cunsulta publica nant'à issu cartulare cuntinueghja à a Casa di u Centru Storicu, nant'à u corsu Favale. Articulu in linea custì 
Ci pudarete scopre parechji pannelli di prisentazione di u prugettu è sopr'à tuttu un quaternu publicu pè scrive u vostru parè, e vostre rimarche nant'à ciò chì hè presentatu.