CCAS

Eccu quì unu arnese maiò à prò di u campà inseme chì allestisce, puntella, è batte à favore di a prutezzione è di u privenimentu suciale di a populazione.

U Centru Cumunale di Azzione Suciale

U Centru Cumunale di Azzione Suciale (C.C.A.S) hè un stabbilimentu publicu è cumunale.

U Centru Cumunale di Azzione Suciale (C.C.A.S) s’inserisce in a pulitica suciale di a cumuna.

Hè amministratu da un cunsigliu d’amministrazione, presedutu da u merre.

U C.C.A.S dà fiatu à una azzione generale di privenimentu è di sviluppu suciale in a cumuna in leia cù l’istituzione publiche o puru private.

Azzioni ublicatorii è legali

U C.C.A.S struisce e dumande d’aiutu suciale legale per u Statu o puru u Cunsigliu Generale è e trasmette à l’autorità cumpetente incaricate di decide.

Allucazione di Sulidarità à prò di e Persone Attimpate (A.S.P.A)

Dipoi u 1mu di ghjennaghju di u 2007, l’A.S.P.A si sustituisce à l’inseme di e prestazione chì custituiscenu un minimu vechjaia.

Aiutu à l’alloghju cù i stabbilimenti cunvenziunati

Pascite nantu à a sessantina o più, site o vulete esse accoltu (a) in un stabbilimentu di ritirata o puru uspitalieru per persone attimpate o andicapate, cunvenziunatu aiutu suciale, è ùn avete rivenuti bastanti per u regulamentu di e spese di alloghju.

Site andicapatu (a) è vi appruntate à entre in un stabbilimentu spezializatu è cunvenziunatu,

Secondu u vostru svantaghju è di cuncertu cù a « Maison Départementale des Personnes handicapées » (M.D.P.H), è ùn avete rivenuti bastanti per u regulamentu di e spese di alloghju.

Aiutu casarecciu à titulu medicale o suciale

Sta prestazione hè messa in ballu da aiutà e persone attimpate è/o andicapate per e so faccende casarecce è permette u so mantenimentu in casa soia.

L’aiutu casarecciu à titulu medicale serà accurdatu à e persone culpite da malanni tempuranei, puderà esse attribuitu per un periudu da 3 à 9 mesi da rinnuvà duie volte.

Allucazione Persunalizata d’Autonomia (A.P.A)

Pascite nant’à a sessantina o più, state di casa in Francia di modu stabile è regulare è site di pettu à una perdita d’autonomia, dipoi ghjennaghju di u 2002 l’allocazione persunalizata d’autonomia, gestita da u dipartimentu, vi pò aiutà

Rivenutu di Sulidarità Attiva (R.S.A)

Avete 25 anni o più, site più giovanu è avete un zitellu à mantene, o avete menu di 25 anni zitellu micca ma avete travagliatu durante 2 anni à tempu pienu durante e trè annate scorse è e vostre risolze sò inferiore à a somma massima in vigore…

Custituzione di u registru numinativu in u quatru di u pianu « canicule » (durante i sulleoni)

Avete di più di 65 anni è/o andicapatu (a) è scantatu (a), u C.C.A.S vi arricumanda di fà vi censà in u quatru di u pianu « canicule »

 

Azzione facultative è particulare

Da sviluppà a pulitica suciale di a cità, u cunsigliu di amministrazione di u C.C.A.S mette in ballu parechje azzione.

Aiuti finanziarii è alimentarii

Cunferimentu d’aiuti finanziarii è/o alimentarii à e famiglie chì stanu di casa nant’à a cumuna segondu i raporti suciali dati da l’assistante suciale di a municipalità.

Participazione à e spese di « télé-alarme »

à prò di e persone attimpate chì stanu di casa nantu à a cumuna di BASTIA.

Participazione à e spese di e cantine sculare

per i fochi bastiacci chì i zitelli amparanu in e scole materne o primarie di a cumuna

Operazione « Natale per tutti »

 (EHPAD di a cumuna, fochi d’accolta, famiglie malandate, zitelli andicapati, ...)

Festa inter-clubs di a terza età

Durante e feste di a fine di l’annata, u CCAS allestisce di modu gratisi un vesperinu ricreativu cù animazione chì aduniscenu i aderenti di i « clubs » di a terza età di Bastia.

Allestimentu di surtite à favore di e persone sfavurizate è/o scantate.

U C.C.A.S allestisce surtite à favore di so capibianchi bastiacci, s’ella vi interessa, iscrivite ci puru !

Allestimentu di sughjorni in u quatru di u prugramma « CAPIBIANCHI IN VACANZE » in partinariatu cù l'A.N.C.V.

Per a prima annata u CCAS hà firmatu una cunvenzione di partinariatu cù « l'Agence Nationale des Chèques Vacances » (A.N.C.V.) in u quatru di u so prugramma capibianchi in vacanze.

« I Capi Bianchi»

Dipoi u 2008, in u quatru di « l’etima turchina », u CCAS, in partinariatu cù l’istituzione chì battenu à prò di e persone attimpate di a cumuna, allestisce è dà capu à a ghjurnata « Peveru è Sale », in u 2009 è u 2010 a DIRRECT ci hà righjuntu.