Evénement / Avvenimentu

Festa di a lingua : u prugramma !

Mis en ligne le

, .PNG 169Ko ()

Quarta edizione di a Festa di a Lingua in Bastia, circa 50 avvenimenti da Cardu à Lupinu passendu per u centru storicu di a Cità è Toga per fà la campà.

U prugramma quì

A filusufia di a nostra andatura :

Vulemu fà di a lingua corsa una lingua cumuna di cuesione suciale spartuta da l’inseme di i citatini è permette li di accimà a dignità di e lingue nurmalizate, mutà l’ambiu sucetale da pudè murà una sucetà bislingua, è passà da una logica di mantenimentu à una logica di rinvivita.

Edizione di u 2017 :

Una festa di a lingua chì s’arremba nant’à u patrimoniu è nantu à temi oghjinchi, chì mischja i publichi, e stazze, è e discipline, da 7 à 77 anni da u scularu à a barba bianca, da u « biking » à a serata cham’è rispondi.

Per u 2017 serà prupostu un prugramma bracanatu assai, for’di i soliti avvenimenti culturali, a Direzzione Lingua è Cultura corse di a Cità di Bastia s’impegna cù a Camera di Cumerciu è d’Industria di u Cismonte è l’Adec da prumove a lingua indè l’ecunumia, i cummerci bastiacci seranu i primi culpiti da a nostra azzione.

U sabbatu u 17 di ghjugnu viderà u battesimu di a sala di spettaculu di u Centru Culturale Alb’oru chì piglierà u nome di u pueta loretacciu Ghjuvanteramu Rocchi. À l’occasione un cuncertu serà allestitu da rende umagiu à u pueta, u stitutore è u militante ardente di a lingua corsa.

Era pruposta annu una prova di Biking in piazza di u Mercà, manifestazione chì turnerà à esse ricundutta è arrichita da altre prove spurtive, visite muntagnole in immersione, spassighjata intornu à e piante curative è arumatiche…

A gastrunumia ancu ella entrerà in ballu per st’edizione 2017 cù i viganoghjoli di l’AOC Patrimonu chì veneranu à facci scopre in lingua corsa a so realità oghjinca, u tuttu si compierà cù un assaghju è canti nustrali.