Enfance / Zitellina

Furmazione di e mammarelle

Mis en ligne le

Dopu à qualchì mese di piantata, anu ripigliatu oghje i corsi di Lingua è Cultura Corsa pè e mammarelle di A Casa di a prima Zitellina « l’anghjulelli » (Maison de la petite enfance).

Eranu oghje più di una vintina à seguità i corsi almanaccati da a Cità di Bastia in partenariatu cù u GRETA, i scopi ?

  • Fà un usu più sodu di a lingua in a struttura
  • Dà li attrazzi didàttichi è pedagògichi pè l'ogni ghjornu
  • Imparà li i rituali in lingua corsa
  • Scumplessà le di pettu à a lingua corsa

Una furmazione assicurata da Petru Pasqualini è Cristòfanu Ciccoli chì si stenderà sinu à u 15 di dicembre di u 2018, è venerà ricundutta pè u 2019.

Torna un passu sicuru pè a sparghjera di a lingua corsa versu a prima zitellina in Bastia, dopu à a dutazione di una cartina pedagògica, l'affissera di i pannelli bislingui in ogni cantu di a ciucciaghja, cù a ricundutta di a furmazione s'avvia a Cità versu una struttura bislingua in tuttu.