Patrimoine / Patrimoniu

Monument Tracker

Mis en ligne le

A famosa appiecazione hè oramai bislingua !

Sò digià più di un milione à aduprà l'appiecazione Monument Tracker, vi prupunimu di scopre la per cunnosce megliu a vostra cità, i so stalvatoghji, o puru l'orìgine di i topònimi chì facenu l'ogni ghjornu.

Dispunibule per ogni smartphone (funinu) Apple o Androïd , st'appiecazione fatta da guida turistica vi permetterà d'avventà ogni secretu bastiacciu è di valurizà u patrimoniu materiale è immateriale, hè dinù previstu un sistema di geolucalizazione è ghjochi per campà vi.

L'appiecazione prupone quiz, chì ognunu possi verificà ciò ch'ellu sà ! Più crescenu i punti è u livellu, è più vi serà pussibule di scopre quistiunari novi è creanne d'altri.

Ci hè vulsutu aspettà u 2017 è a cullaburazione fattiva trà u Serviziu Lingua è Cultura corse di a Cità di Bastia è l'uffiziu di u turisimu di u paese bastiacciu, per vede la sbuccà in corsu.

Avà tocc'à voi !

Eccu i liami :

https://play.google.com/store/apps/details?id=com.mtworldwide&referrer=utm_source%3Dworld%26utm_medium%3Dslider%26utm_campaign%3Dsite(Android)

https://itunes.apple.com/app/monument-tracker-world-guide/id513225174?pt=534582&ct=site&mt=8 (Apple)