Festa di a Lingua 2018

, .JPG 66Ko ()

Eccu pur ghjuntu u filmettu di l’edizione 2018 di a Festa di a Lingua corsa in Bastia !

Bastia, a nostra cara Cità tracolma à storia(e) è à lirìsimu, filu narrativu di st’edizione chì face cumbasgià in Santa Pace e pràtiche tradiziunale di i tempi di una volta è un avvene ancu à sulcà. Una Bastia bracanata, dinàmica è innuvante, portu d’accuglianza inde un pass’è veni di e culture presente pè turnà à alzà un destinu cumunu.

A Festa di a Lingua se définit avant tout comme une dynamique plutôt que comme un évènement, avec des journées consacrées à l’usage du corse sous toutes ses formes, fédérant une grande diversité d’acteurs rendant la langue visible et attractive, une langue festive proposant des formes pertinentes, lisibles et populaires.

Spontanéité, légèreté et apprentissage de la langue puisque cette année, les néophytes ont pu recevoir gratuitement des cours de langue corse avec nos partenaire de Praticalingua.

Tenimu à ringrazià di core quelli chì anu fattu u successu di sta 5e Festa di a Lingua in Bastia, a Cullettività di Corsica pè u so impegnu sodu è perennu  è tutti i partenarii chì fèrmanu u sale di a nostra l’andatura.

Infine, vi lascemu scopre a losa à Bastia scritta è cumposta da u pueta tavanincu Tittò Limongi :

Di Bastia

A dicenu di tè

Chì sì pritenziunuta

Essendu una cità

Più chè mai inchjuccuta.

Ùn la ponu sapè

Chì daretu à sti mughji

Si brama u campà

Di tutti i so carrughji.

À mez’à le to strette

Sò millaie di fole

Parulle predilette

Basgi è rasgi di sole.

C’invita u Vechju Portu

À spassighjate care

Uffrendu à core scioltu

Carezze à u mare.

Ripigliu :

Corre un ventu d’armunia

Apre e porte à chì sà

Di a cità di Bastia.

A dicenu di tè

Chì ti piace a muneta

Chì sì una cità

Chì stende a so reta.

Ùn la ponu sapè

Chì tesse a so memoria

Chì ci vole à dì

Quant’hè ricca a so storia.

Trà mez’à i to muri

Sò canti è culori

Sò i passi sicuri

Per scopre i to tesori

Vi s’aprenu e porte

D’una piazza d’alegria

Sò le voci rivolte

Di a cità di Bastia.

Festa di a Lingua 2018