A Casa di e Lingue piglia e creste
U 5 di ghjugnu – 6 ore di sera
V’accoglie a Casa di e Lingue per un spetaculu novu novu ch’intreccia trè arti : u ballu verticale è nantu à un maghju chinese cù Les Mines de Rien, u cantu cù Una Fiara Nova è a mùsica elettrònica cù Pasquà Pancrazi. Tutti usanu di u so sapè fà per un filu solu : l’evoluzione di a lingua corsa da l’annate 50 à oghje. Attraversu canti, usi, lotte è invenzione, conta stu spettaculu una lingua in mossa sempre. Una lingua viva, nè inchjudata nè mancu sparita, chì si move nù e so voce, i so soni è i so corpi. Una creazione cullettiva nata in Sant’Anghjuli chì dice chì a lingua corsa appartene à tutti : à quelli d’eri è di dumane, à quelli chì a parlanu, l’amparanu, a trasmettenu.
U 6 di ghjugnu – 6 ore di sera
Spetàculu di chjuditura di l’associu Praticalingua seguitatu da un cuncertu.
Infos : 06 16 11 74 76 / praticalingua@gmail.com
U 7 di ghjugnu – 7 ore di sera
Amichi paghjellaghji, di bassu, di terza o di seconda, turnemu à fà a nostra tradiziunale serata di paghjelle ? U sacratu di Sant’Anghjuli per decoru, un bancone per pusà è a paghjella per festighjà. Fà a to squadra, passa davanti à a ghjuria eppo veni à impaghjellà à voline più !
Riservazione : 06 17 06 08 49
O per mail mcbetti@bastia.corsica
