Corsica pulita Global Earth Keeper

Messu in linea u

, .JPG 469Ko ()

Appuntamentu u 1mu di maghju in a rena di l'Arinella pè un operazione di nittatura

U 1mu di Maghju, accolta è grandi nittera à prò di a natura.

 

6 anni dighjà chì u gruppu lucali Corsu Global Earth Keeper, purtatu da a co-fundatori Laurence Constantin, cunsacra in Corsica una ghjurnata dedicata à a natura, 6 anni ch’iddi sò mubilizati l’abitanti pà issa ghjurnata chì porta u simbulu di u donu.

 

Issu donu, avemu dicisu di svultà lu ver’ di a natura è i so paisani. Hè idda chì ci faci campà, manghjà, bia è sunnià….

 

Si vidi di più in più affacà iniziativi individuali, cullittivi è associ lucali in issu scopu cumunu.

 

I cunviemu à tutti à riunghjaci u 1mu di Maghju in tutta a Corsica pà un avvinimentu maori da muscià à tutti, a presa di cuscenza à ugnunu è à l’auturità lucali.

 

Adunimuci, u scopu hè di metta fini à l’arruvina di a natura, di a pianetta, di i a nosci casi.

 

Ancu più chì visuali, hè scimica issa sgradazioni è sarà ancu peghju si no cuntinemu à imbruttà incù i nosci rumenzuli com’è mulizzi organichi.

 

Ci hè urgenza, è si devi fà ancu di più. Viaghjemu uniti è suvitemu u stessu chjassu.  Duvimu travaddà insemi, è cummunicà.

 

Hè dinò par quissa chì no insistimu à nantu à u fattu di mubilizà tutti l’associ à tempu, u stessu ghjornu, pà un travaddu più efficaci.

 

Chjametici pà stabliscia una carta di i lochi chì vo cuntenti di nittà, pà dà l’infurmazioni à i benevuli, è chì no vi fessimu ghjunghja qualchì affissi ma dinò un currieru da mandà à i merri di i cummuni.

 

Avareti un prucessu da riempia chì no daremu à l’associ scientifichi parch’iddi pudissini travaddà à nantu à a noscia racolta

 

Vudariamu vedavi à tutti, uniti da purtà insemi u simbulu di l’andatura cullittiva. Cunnoscia u vosciu impegnu u più prestu ci parmittarà di parlani è di fà ancu meddu.

 

Pudeti dighà  circà vitturoni, camiò è rimorchi, chì tutti l’anni, truvà mezi di trasporti, hè un casticu !

 

" Da cumpassioni à azzioni, avali tocca à noi ! »