Piazza à San Niculà

Messu in linea u

Cù i so 280 metri di longu per 80 metri di largu, a piazza Santu Niculà si gode di più di 22.400 metri quatrati, sia duie volte a piazza San Marcu di Venezia. U so nome li vene da una cappella medievale eretta vicinu à un uspidale pisanu.

L’assestu di a piazza Santu Niculà principiò in u 1834 cù l’architettu Andria Sisco chì alzò a muraglia chì sustene a piazza, l’origine di u so nome venerebbe da i tempi i più antichi quandu chì u locu uspitava una cappella dedicata à Santu Niculà.

Agura à l’usu bastiacciu (o bastiese) a piazza hè un locu di scontru è di barattu prezzatu da tutti, si dice chì a so superficia franca à Trafalgar Square in Londra è ancu San Petru di Roma.

Ci offre u pueta Antone Francescu Filippini un ritrattu squisitu di quella piazza :

« Sottu à le palme di Santu Niculà 
Ch’ellu ricerca a notte viuletta,
Venenu tutte, a donna è a zitelletta,
A gode si lu frescu è chjuchjulà.

Ci vensi anch’eo, ùn sapendu chì fà,
Poi ci lascia u core à fetta à fetta
A più tennera hè tocca à Marietta,
A più bella figliola di u Mercà.

Or una vechja a si tira à braccetta
Senza lentalla mancu per spirà
Ma ella hè furba è sà la minichetta :

L’indetta à questu è à quella, eppo mi dà
Un’uchjata chì pare una saietta,
Sottu à le palme di San Niculà ».

Anton Francescu Filippini / Prime puesie 1985