Cantieri maiò

Da megliurà u prisente è astradà l’avvene di i Bastiacci, impegnà si cù cantieri impurtanti.

Schéma Aldilonda et Spassimare - Allargà a fiura, .JPG 130Ko (fenêtre modale)
Schéma Aldilonda et Spassimare© cità di bastia

U prugettu Spassimare è l'Aldilonda

U prugettu di via per i veiculi chì ùn sò muturizati, chjamata U Spassimare, lasciatu da l’anziana municipalità hè cambiatu. Sta via hè dedicata à e biciclette è e persone andicapate ci puderanu accede. Compii i travagli, a via francherà Bastia nant’à 5 chilometri, da u Portu di Toga finu à l’Arinella. A prima sezzione, da Toga finu à A Punta (a Calata di i Martirii), hè stata compia in u 2015 (raprisenta 1,5 chm). U prugettu novu, palisatu u 25 di ferraghju di u 2015 mentre u cunsigliu municipale, vole ch’ellu sia pedonu u Vechju Portu è prevede a custruzzione di un veru cacciafora apertu nantu à u mare, longu di 400 metri. Venerà postu l’Aldilonda nant’à i scogli di a Citadella, 5 metri sopra l’acqua. Una manera unica di fà l’avvinta di a Citadella pudendu, à tempu, cuntimplà a bellezza di u paisaghju.

 

Per ciò chì tocca à u calindariu, eccu vi e sfarente tappe di u prugettu di a Spassimare :

- per a sezzione à Meziornu (frà l’Arinella è l’entre di u tunellu di a Cità) : venerà prisentatu à a municipalità è à a pupulazione una parte in dimensione vere di una decina di metri di a mubliglia urbana (lumi, rivestitura di u tarrenu, scelta di e ringhere di sicurezza) di ferraghju di  u 2016. Quandu l’eletti averanu sceltu, principieranu i primi travagli di sittembre di u 2016.

- per l’Aldilonda (cacciafora nant’à u mare) :

- chjama per e candidature per a maestranza di opera à u veranu di u 2016,

- fine di sittembre di u 2016 : scelta da premià u vincidore di u cuncorsu, seguitata da un annu di studii,

- di regula puderianu principià i travagli in u 2017, per un tempu di 24 mesi.

 

Per via di stu prugettu strutturante, risponde subbitu Bastia à duie prumesse fatte da sta maiurità : megliurà u benistà di l’abitanti, prupunendu li vie di circulazione franchi di ingorghi è duve hè assicurata a securità, rinforza à tempu a so attrattività turistica cù a realisazione di una opera cum’è l’Aldilonda.

In ogni prugettu sò inseriti è pigliati in contu obbiettivi di primura : ristabilisce a leia trà terra è mare, i cuntatti trà cità è portu, per a Cità, turnà à impusessà si di a so facciata marittima. Sti prugetti sò iscritti in una visione larga : quella di una pulitica chì prumove una mubilità innuvativa è inedita nant’à u territoriu imprimurendu si di i spazii fatti pedoni, di u staziunamentu, di a circulazione è di l’ambiente.

 




Projet théâtre de verdure - Allargà a fiura, .JPG 263Ko (fenêtre modale)
Projet théâtre de verdure© cità di bastia

U prugettu Mantinum

Creazione di un teatru verde cù un ascensore

Frà e prossime realisazione di a municipalità, ci hè a creazione di un teatru verde à u pede di u Palazzu di i Guvernatori in u quartieru di a Citadella, da induve u sguardu spazia l’inseme di u Vechju Portu. Stu teatru puderia ghjuvà di locu di animazione per l’associ bastiacci è per l’urganizatori di i cuncerti l’estate in u quadru di u prugramma « Bastia in Festa ».

Eppuru, spunta una difficultà chì, ùn hè mancu appena para l’altezza di a Citadella è di u Vechju Portu. Sta slivellata puderia esse cumpensata cù a messa in opera di un ascensore longu u tippale, permetteria ancu à e persone chì ùn si ponu spiazzà faciule di avè un accessu liberu à u Mantinum.

Trattendu si di u calindariu, eccu vi e sfarente tappe di u prugettu Mantinum :

- Messa in ballu di un cuncorsu per a maestranza di opera à u veranu di u 2016

- realisazione in u 2017.

 

Sò stati decisi altri prugetti strutturanti, veneranu sviluppati di manera precisa in un altru articulu :

- U spaziu Gaudin : hè previstu u ristoru di l’inseme di u quartieru, a custruzzione di un parcheghju di 300 piazze, sarà ammudernata a Scola Gaudin è messu in ballu un prugettu pedagogicu cù a creazione di una ciucciaghja. Venerà ristrutturatu u Corsu Gaudin incù travagli fatti per u giratoghju di u Palazzu di Ghjustizia.

- In u quadru di u rinnovu urbanu di a vechja cità, si inserisce l’operazione Puntettu. Questa hè cumposta di sfarente parte, frà e quale, a custruzzione di 96 alloghji in u settore, a creazione di piazze nove da staziunà (assuciate à u novu parcheghju Gaudin), a liberazione di u spaziu publicu (cù, per indettu, ciò si hè fattu cù a Piazza Vattelapesca inaugurata in u 2015), turnendu à dà li, à u quartieru, una dinamica ecunomica nova.

- u rinnovu di l’inseme di u Teatru di Bastia è, per ciò chì tocca u Cunservatoriu di e Musiche è di i Balli, integrà lu dendu li un alloghju novu.

- a creazione, frà pocu, di 35 annelli novi in a cala di u Vechju Portu di Bastia da risponde à i bisogni, di statina, di l’unità maiò.

- ultimu puntu, a realisazione di duie vie di accessu nove chì permetteranu di liberà imprese fundarie da pudè ci custruisce…