@mministrazione

L'amministrazione elettronica hè a simplificazione di e dimarchje amministrative à prò di l'adupratori per l'apertura di un serviziu in linea.

Cliccà, telecaricà, mandà : a numerisazione di e dimarchje amministrative.

Scritta in u pattu d'eco rispunsabilità indiatu da a Cità, l'amministrazione elettronica o " e-amministrazione" permette di prupone una offerta più fattiva di i so servizii à prò di l'adupratori è di accresce a trasparenza amministrativa.

In core à u prucessu di mudernisazione di u Statu è di u so serviziu publicu, stu arnese ghjova à favore di a megliurazione di e so prucedure è di u so funziunamentu internu, ma ancu l'uttimisazione di i so costi.

Incù a vulintà soda di scrive si in core à l'aghja numerica, a municipalità mette à dispusizione di i so cuncitadini i teleservizii, permettendu li di rializà di modu direttu e so dimarchje in linea, ma senza mancà à u rispettu di a prutezzione di i dati persunali è di e libertà individuale.