Sviloppu di l'offerta di staziunamentu

Per aghjevulì una scumpartera più fattiva di a strada in cità trà i multiplici adupratori è risponde à e difficultà di circulazione è di u staziunamentu, a municipalità piglia in contu l'usi è e solite custrinte di i Bastiacci per sviluppà una pulitica di i tramuti a più efficace.

Ripinsà a circulazione è u staziunamentu

Per aghjevulì i spiazzamenti di l'automubilisti è di l'attrazzi motorizati in core di a cità, a municipalità travaglia nantu à una mudifica maiò di i modi di circulazione è di u staziunamentu, è ci aghjusta una offerta nova in quantu à i trasporti cullettivi.

A Cità di Bastia vole arrigulà in primisi i disturbi inghjennati da a circulazione è u staziunamentu, è sviluppà modi di circulazione alternativi cum'è i carrughji à passighjata fatti di manera prugressiva cù l'affollu di tutti, l'aghje miste, u trenu urbanu, a creazione di 2000 piazze di parcheghju silo in centru cità, l'orarii arregulamentati per l'arricate di robba è a gara stradale.

 

Ma ancu, ripensà i trasporti in cumunu (orarii, prezzu, maiurezza di i vitturoni) per pudè assicurà un accessu à tutti è sparghje a disserta à l'inseme di i quartieri.