A Casa di e Lingue

Un prugettu maiò per Bastia, da quì à pocu in Sant’Anghjuli !

Vole A Casa di e lingue valurizà è sustene l’attori impegnati inde u sviluppu di a lingua corsa è integrà li ind’una strategia di spartera di a lingua, di prupone à tutti l’attori ecunòmichi è assuciativi i mezi è e risolse da assigurà u so spannamentu (traduzzione, furmazione, accumpagnamentu). U scopu hè di turnà à dà à u corsu a so piazza da permette u scambiu è l’integrazione di lucutori di lingue di u mediterraniu è di u mondu sanu cù a creazione di una Scola Internaziunale di furmazione à e lingue. Serà dinù un locu di cuesione suciale à prò di u corsu.

A Casa di e lingue averà per ambizione di adunì, mutualizà è valurizà un prugettu spartutu da tutti. Aduniscerà parechji attori ricunnisciuti di a difesa è di a prumuzione di a lingua corsa è s’aprerà à attori novi. Hè pensatu cum’è un locu, apertu à tutti è à urarii allargati. Infine, si puderà fà di u corsu un arnese maiò di prufessiunalizazione è un locu chì l’attori privati chì vòlenu integrà u corsu à u so prugettu ecunòmicu o assuciativu sìanu aiutati da truvà e risolse òttime : furmazione, traduzzione, risolse, messa in sinergia di l’attori à prò di un prugettu più largu di valurizazione di a lingua corsa (attori istituziunali, attori privati, abitanti).

Travagli in anda !

Partager sur